Kaabay Kee Rounaq Kaabay Ka Manzar

Kaabay Kee Rounaq Kaabay Ka Manzar

Allaho Akbar Allaho Akbar

Dekhon Tou Dekhay Jaon Barabar

Allaho Akbar Allaho Akbar

Hamd-e-Khuda Se Tar Hain Zubanein

Kano Mein Rus Gholti Hain Azaanein

Buss Ik Sadaa Aarahi Hai Baraabar

Allaho Akbar Allaho Akbar

Teray Haram Kee Kiya Baat Maula

Teray Karam Kee Kiya Baat Moula

Taa Umar Karday Aana Muqaddar

Allaho Akbar Allaho Akbar

Maangee Hain Mein Nay Jitnee Duain

Manzoor Hoongi Maqbool Hoongi

Meezab-e-Rehmat Hay Meray Sar Par

Allaho Akbar Allaho Akbar

Yaad Agayein Jab Apni Khatayein

Ashkon Mein Dhalnay Lagee Iltijayein

Roya Ghilaaf-e-Ka’aba Pakkar Kar

Allaho Akbar Allaho Akbar

Bheja Hai Jannat Se Tujhko Khuda Ne

Chuma Hai Tujh Ko Khud Mustafa Ne

Ae Sung-e-Aswad Tera Muqqadar

Allaho Akbar Allaho Akbar

Maula Sabhi Aur Kiya Chahta Hai

Buss Maghfirat Kee Ataa Chahta Hai

Bakhshish Kay Talib Pay Apna Karam Kar

Allaho Akbar Allaho Akbar

Posted in: Hamd,Kaabay Kee Rounaq Kaabay Ka Manzar,Lyrics